RENTA = NENGUNA - CRUZ

(Calca na imaxen p¡ampliar)

NENGUNA CRUZ NA DECLARACIÓN DE LA RENTA

Dende la Plataforma Laica d'Asturies siempre caltuvimos que les cruces que figuren na declaración de la renta pa que'l ciudadán/a decida dar el 0,7% a fines sociales o a la ilesia católica son un engañu.

Sol aspeutu de que ye'l ciudadán/a quien decide llibremente dar el 0,7% del so dineru a una de les dos opciones, escuéndese una gran mentira.

El ciudadán/a que marca una cruz, decidir sí decide. Pero d'un dineru que NUN YE DE SO.

Ta decidiendo donar el 0,7% de la cuota líquido (lo que se paga a Facienda) a una de les dos opciones. Y esi dineru nun ye de so. Esi dineru ye del Estáu, o sía, de tolos ciudadanos.

Siempre denunciemos qu'esta vergoña del sistema de recaudación español nun ye más nin menos que pa xustificar una parte de la financiación de la ilesia católica col dineru de toos.

L'aición de garrar un dineru que nun ye de to y dá-ylu a daquién que te convenga llámase

ROBAR

Y nesti casu, más grave aún. Al tar permitío y animao pol Estáu ye un

ROBU LLEGAL

Amás, la insaciable y riquísima ilesia católica llévase tamién peles sos abondoses ONGs la metada'l dineru destináu a fines sociales.

• Porque l'Estáu nun tien de financiar daqué confesión
• Porque naide debe decidir sobre'l dineru de los demás
  
• Porque l'Estáu tien de financiar los fines sociales con partíes presupuestaries

¡NUN CONTRIBUYAS A ESTI ROBU!

¡NENGUNA CRUZ NA DECLARACIÓN DE LA RENTA!