Casu Leganés

La Plataforma Laica d'Asturies decide sumase a la campaña de l'Asociación para la Defensa del Hospital Severo Ochoa.

Estimáu/ada collaciu/a:

Malapenes va unos meses, la idea de poder llevar a Lamela al banquín d'acusaos paecía un suañu imposible. Güei ye una realidá: el día 9 de xunu, l'ex-conseyeru Lamela y la so cohorte d'”espertos mélicos” tendrán de responder ante la titular del Xulgáu nº 43 de Madrid de l'acusación de denuncia falsa nel tristemente famosu casu de les dormiciones supuestamente irregulares a pacientes terminales.

La inocencia del doctor Luis Montes y los sos collacios d'urxencies del Severo Ochoa, güei felizmente declarada pola Xusticia, nun serviría de nada ensin el so enfotu decidíu en defendela. A naide se-y regala nada, nin siquiera en democracia. Tamién ye verdá que'l sofitu de munchos miles de ciudadanos y ciudadanes progresistes o, cenciellamente, decentes foi crucial p'algamar esi reconocimientu polos tribunales. El vuesu constante y públicu sofitu manifestó de forma nidia la vuestra creyencia de que la llucha del Severo Ochoa significaba muncho más que la defensa de la dignidá d'unos profesionales calumniosamente acusaos. Esi sofitu contribuyó tamién a la defensa del derechu ciudadanu a la dormición terminal que Lamela y los sos operarios – la COPE de los Obiespos, El Mundo y La Razón- punxeron en dulda coles sos mentires interesaes. La valentía de resistir al poder ensin clemencia del PP, decidíu a finar con ellos y cola so forma d'entender l'exerciciu de la Melecina, dende'l compromisu téunicu y sobre too ciudadanu, fueron un exemplu de dignidá y la muestra de que ningún poder ye invencible si se tien determinación abondo pa resisti-y.

Agora llegó'l momentu d'aprende-yos una llección más: la de que nun Estáu de Derechu nengún atropellu, sobre too si bien dende'l poder, pue quedar impune. Vanos nello non sólo la nuestra dignidá ciudadano, tamién la defensa de los valores y derechos democráticos que pisaron y que tan hipócritamente reclamen últimamente pa ellos mesmos. Toos estos años recibimos constantes mensaxes interesándovos na forma de collaborar cola nuestra llucha, que tamién consideráis vuesa. Llegó felizmente el momentu de materializar esa collaboración: una, cola to aportación económica pa poder caltener un procesu xudicial tan llargu y costosu como'l que s'entama. Ellos cuenten con tolos medios y nun van duldar en poner al so serviciu los recursos que son de toos nós. Otra, non menos importante, espardiendo esti corréu a tolos tos contautos. Esti país ta afortunadamente enllenu de persones, grupos y asociaciones progresistes que deben conocer esta petición de sofitu pa facer pagar la so indecenia a Lamela, los sos mercenarios “espertos” y tamién La Razón, COPE y El Mundo qu'empuerquen cada día la democracia. De dambes formes esperamos poder contar cola to collaboración y la de la to redolada nesta llucha d'autodefensa ciudadana.

Agradecíos de mano,

l'Asociación para la Defensa del Hospital Severo Ochoa

• Si sentisti como propia l'agresión de Lamela y los sos operarios
  
• Si creisti que ye un exerciciu d'autodefensa ciudadano face-yos pagar polo que ficieron
  
• Si nun tas dimpuestu consentir que la nuestra falta de medios económicos permita la so impunidá

Ingresa o tresfier 10E a la cuenta corriente de La Caixa: 2100 1745 56 0200090640

Indica nel conceptu: “Lamela al banquillo”

• SI crees que la movilización ciudadano ye entá imprescindible
• SI consideres urxente la coordinación ente los milenta grupos de progresu qu'hai nel Estáu
  
• SI yes consciente del to papel d'activista na defensa y enanchamientu de los derechos ciudadanos

SI finalmente algamamos face-y pagar pol so atropellu, Lamela sabrá que foi gracies a la contribución de miles de ciudadanos que refugen tolo qu'elli significa.

¡COL TO SOFITU, PODEMOS! ¡NUN TENGAS DULDA!