jueves, 30 de octubre de 2008

Declaración de l'asociación estatal Europa Laica

Énte l'accidente del avión de la compañía Spanair, nel aeropuertu de Marid, el pasáu día 20 d'Agostu de 2008

L'asociación estatal Europa Laica tresmite a les families y collacios de les persones finaes, asina como a les persones implicaes nel accidente del pasáu día 20 nel aeropuertu de Barajas de Madrid, el nuestru más fondu pésame y apoyu nestos momentos tan difíciles, cola esperanza de que la xusticia puea esclariar la verdá de lo asocedío, que anque nun alivie'l dolor, podrá servir pa prevenir otres situaciones similares.

Llamentamos que diferentes confesiones relixoses, n'especial la católica, col sofitu inestimable y complicidá de los poderes públicos, pasando gravemente perriba del principiu constitucional de non confesionalidá del estáu y la llibertá de pensamientu y concenxa, puxen por realizar actos y lliturxes globales d'esclusivu conteníu relixosu. Condenamos qu'una vegada más, la xerarquía católica protagonice, ensin el mayor respetu y nel so propiu beneficiu, los funerales de despedida a les persones que fallecieron, como si toes elles tuvieren una única creencia relixosa.

Na nuestra opinión, cada familia, como yá ta faciendo, actúa en base a la so propia concenxa, esperando que se tean respetando les creencies ya idees de les persones fallecíes.

Sedría deseable que los poderes públicos, en tou casu y si lo estimen oportuno, entamaren, en cada ámbitu, despedíes o funerales civiles, d'alcuerdu coles families qu'asina lo consideren afayadizo, ello por respetu a la llibertá de pensamientu y de concenxa de cada ciudadán y ciudadana y teniendo en cuenta los drechos cívicos comunes de la ciudadanía xeneral.

Madrid, 26 d'Agostu de 2008

L'asociación Europa Laica ye parte de la Plataforma Laica d'Asturies

No hay comentarios: